Leeds United chuan an striker che ṭha lai Dominic Calvert-Lewin-a hmabak tur chungchangah thutlukna pawimawh tak an siam ta a. He English striker hi Manchester United chuan an tlar hma thuam chak nana an lak luh theih tur zinga mi niin an ngaihven hle a ni.

Manchester United hian goal thun kawnga harsatna an tawh mek chinfel nan Calvert-Lewin hi lak luh tum pawh ni se, kawng awlsam erawh an zawh dawn hauh lo tih a lang chiang hle a, mualneitu lamin awlsam taka an lak an phalsak an ring lo a ni. Leeds United lamin an forward chungchangah hian thutlukna lian tak an siam tawh avangin, United tan hian awlsam taka chet theihna hun remchang a awm mai dawn lo tih thudawnna chuan a tarlang a ni.

Kum 2025 nipui lai khan Dominic Calvert-Lewin hian Leeds United hi a thlawnin (free agent-in) a lo zawm a. He English striker hian Leeds a zawm aṭang hian a theihna tak tak rawn phawrh chhuak tharin nun thar a nei leh a ni ber a, khelmual chhungah a che ṭha chho hle a ni. A chet ṭhat em avang hian transfer bazar-ah club dangte mit a fuk phah nasa hle a, United lam pawhin an forward line tichak thei tu tur an zawnna kawngah he striker hi an melh ta chat a ni.

Goal thun kawnga harsatna lian tak hmachhawn mek Manchester United tan chuan tlar hma tichak thei tur rintlak lak luh hi a ngai pawimawh em em a, Calvert-Lewin-a theihna leh Leeds tana a chet ṭhat dan hian an mit a la hle a ni. Mahse, Leeds United lamin he English forward hmabak chungchanga thutlukna pawimawh tak an siam fel tak avang hian, United hian he player hi awlsam takin an la thei mai dawn lo tih a chiang hle a, an indawr zui zel dan tur hian ngaihven a hlawh chho hle dawn a ni.