Premier League season tharah Manchester United bad start bawrh bawrh hnuah table-ah 12-na hmunah an awm mek a, manager Michael Carrick-a chungah pawh pressure a sang zui hle a ni. Chuti chung chuan Old Trafford club ṭantute tan tun season (2026-27)-ah beiseina sang tak neih zel nan leh team thlawp tlat tura chhan ṭha tak tak panga a awm thu tarlan a ni.
A hmasa berah chuan, United-in tlar laili siksawi thar zui zel karah rawlthar Kobbie Mainoo chet ṭhat pui zel hi a ni. Mainoo hi team-a mi pawimawh ber a la ni reng a, chawlhkar tin hmasawnna rawn phawrh zelin khawvela midfielder ṭha berte zinga chhiar theihturin a khelh dan a puitling tawh hle. Thla 18 ngawt damlo/hliam avanga inelna hmaih lo tawh ni mah se, he rawlthar naupang te hian khelmualah United player langsar ber nihna a hauh mek a ni.
A pahnihnaah chuan, international break zawhah hian hmun hrang hrangah player pawimawh an rawn kir tawh dawn a ni. Tlarhnung, midfield leh tlarhma thuam chak turin Amad Diallo, Matthijs de Ligt leh Carlos Baleba-te an rawn inpeih dawn a. Season inṭan aṭanga United tlarhnung buai tak hi De Ligt-a'n a rawn siamṭha thei ngei tura ngaih a nih bakah, Amad-a'n tlarhma lamah thiamna leh chakna a rawn thlen ang. Chu mai bakah Tottenham Hotspur an hmachhawn hunah transfer window-a an lakluh Carlos Baleba pawhin a debut match a khelh ngei beisei a ni a, he Cameroon midfielder hian tlar lailiah tha thar a rawn thlen ngei dawn a ni.
A pathumnaah chuan, rawlthar Shea Lacey-a rawn inkhawh chho hi a ni. Cup match-a Brighton laka a senior goal hmasaber khungtu Lacey hian Premier League level-ah a buai lo hle tih a tilang chiang a. England U20s tana goal khung zawh hlim he rawlthar hi Carrick-a'n minute 90 chhung inlanna hun a pe tlem hle a, mahse international break zawhah hian hun ṭha zawk pein, first team-ah hmun pawimawh zawk a pe ṭan thei tawh a ni.
A peihnaah chuan, statistical expected points (xP) leh khelmuala an chet dan data hi a ni. United hi 12-naah awm bawk mah se, chance siam zat leh goal chhuah zat (xG leh xGA) aṭanga chhutin 6-na dinhmun luah awm tak an ni a. An result leh khelmuala an performance inthlau lutuk hi reilotê hnuaiah a insiamrem leh tura ngaih a ni. Carrick pawhin beidawnna tur a awm loh thu leh thil an siamṭha leh vat dawn tih a sawi tlat bawk.
A panganaah chuan, United Academy rawlthar ṭha tak tak an rawn puitling chho mek zel hi a ni. Noah Ajayi-a'n contract thar a ziah aṭangin club-in an ngaihtuah zia a lang a, thla reilote hnuaiah first team-ah a rawn inlan tam hmel hle. Hemi bakah hian Jim Thwaites, Jayden Ngwashi leh Jaydan Kamason-te pawh senior football khel turin an inpeih ṭan tawh a, senior player che ṭha tawk lote lakah Carrick-a tan ruahmanna thar siam nan chhawr theih an ni tawh dawn a ni.
