Pathianni khan loan-a chhuak Manchester United player pahnih - goalkeeper Andre Onana leh midfielder Sekou Kone te chu an club tana inkhelh tirh theih an ni a.

Trabzonspor-a loan-a khel meki Cameroonian goalkeeper Andre Onana hi match pumhlui minute 90 chhung khelmualah inlanin, a team-te hnehna a chanpui leh ta a ni.

Turkish club Trabzonspor hian mahni mualah Gaziantep chu 2-0 in an hneh a, he hnehna avang hian league-ah pathumna dinhmun luah chhunzawm zelin, hmahruaitu Galatasaray chu point thumin an phak lo mek a ni. Tun season-ah Trabzonspor hi an tluang hle a, league match 10 an khelh tawh aṭangin match sarihah hnehna an chang tawh a ni.

Gaziantep lakah Onana hian goal chhuah miah lovin matcha tliang bik a nei ṭha hle a, match sarih a khelh tawh aṭanga a vawi nga nana clean sheet nei leh ta a ni. He match-ah hian goal tur vawi nga (5) zet a lo dang a, chung zingah chuan box chhung aṭanga an pet hlauhawm tak tak pawh a lo dang zel a ni. First-half chhungin Gaziantep forward-in box chhunga ball a luhpui hnuah, a kerek zawn (near post) lama shot hlauhawm tak chu fimin a lo dangsak a. Second-half ah pawh an striker nen vawikhat leh vawikhat an inhmachhawn (one-on-one) tumin kil sir ti zim zawngin a rawn chhuak a, goal thun theih loh nan a dang ṭha hle bawk.

Onana hian boruaka ball kang vawikhat a lo la nawlh (high claim) a, ball hnek per (punch) ngai miah lovin inkhelh a hmang zo a ni. Pass 82% a hlawhtling bawk. Trabzonspor leh Onana hi Ningani lo awm turah Conference League-ah Freiburg hmachhawnin an inlan leh ang.

Mali midfielder rawlthar Sekou Kone pawhin September thlaa red card tlang tak a hmuh avanga hremna a tuar hnuah, a vawikhat nan Swiss club Lausanne-Sport tan league game a khel leh ta bawk.

Mahse a club Lausanne-Sport hi mahni mualah 4-5 ngawta Thun laka an tlawm avangin an rilru a na hle. Kone hi match tawp lam minute 10 chauh a la awm tihin bench aṭangin a rawn lut a, pass vawikhat a nei a ni. Minute 10 chhung lekin he naupang hian dribble vawi thum a tum aṭangin vawi hnih a hlawhtling a, tackle vawikhat a neih pawh a hlawhtling nghal vek a ni. Midfield duel-ah pawh chak takin a inlan a, vawi li a inhmachhawn aṭangin vawi thumah a taksa theihna hmangin a hneh zawk ta a ni. Kone hian Inrinni zanah Grasshoppers an hmachhawn hunah starting lineup-ah a bul aṭanga inlan leh ngei a beisei tawh ang.