Manchester United forward Marcus Rashford chuan mualah inkhelh luhna hmun a chang tawk lo a nih chuan January transfer window inhawng turah Old Trafford chhuahsan a inhuam nia tarlan a ni.

Carrington academy aṭanga rawn inzir chhuak England forward hi, a tirah chuan Manchester United hmakhua leh player pawimawh ber tur zinga mi atana ngaih a lo ni ṭhin a. Mahse, kum hnih liam ta chhung khan a football career-ah harsatna hrang hrang tawk chhoin, a dinhmun leh a khelh dan phung a tlahniam nasa hle a ni.

A career-a buaina leh tlahniam tak a hmachhawn mek lai hian, regular taka inkhelhna hmun chang tura intiamna a hmu lo a nih chuan Old Trafford chhuahsan hi thil thleng theih tak a ni ta. January thla transfer bazar inhawng turah hian, Premier League club Everton chuan he Rashford-a dinhmun hi fimkhur takin an thlithlai mek a, a remchan chuan lakluh pawh an inhuam nia report a awm bawk.

Rashford-a tan chuan mual chhunga inkhelh tam leh regular taka inlan ṭhin hi a thil phut ber a ni a. Manchester United-a a hmabak leh dinhmun a chian loh zel chuan, a career chawisang lehtu tur leh khelmuala inlan tamna zawk hmun zawngin, January thla hian Old Trafford chhuahsanin club dang zawm hi a thutlukna thil thleng thei a ni chho ta a ni.