Vawiin chhun lam hian Stamford Bridge-ah Premier League inkhel hmuhnawm leh ṭang tak a thleng mek a, Chelsea leh Manchester United te an inhmachhawn a ni.

Manchester United manager Michael Carrick-a tana pressure a san chhoh mek zel avangin Red Devils-te tan he match hian hlutna leh pawimawhna lian tak a nei a, he khualmual inkhelah hian hnehna an mamawh takzet a ni.

He inkhelah hian Manchester United tlarhma lamin mualneitu Chelsea lakah hlauhawm siam zing hle mah se, hma an hruai theihna hun ṭha lutuk an bawhpelh ṭhin. United captain Bruno Fernandes leh attacker Matheus Cunha te chuan goal khungna hun ṭha tak tak an nei a, mahse heng chance ṭha tak mai hi an bawhpelh ve ve avangin goal a lut thei rih lo a ni.

Michael Carrick-a hnuaiah Manchester United hian hmabak khirh tak an hmachhawn mek a, chuvang chuan Stamford Bridge-a point hmuh pumhlum hi an tan a pawimawh hle. Mualneitu Chelsea laka point thum hlawhchhuah a nih loh chuan Carrick-a laka fan-te leh media lam aṭanga pressure rawn pung chho mek hi a zual sauh dawn a, match thunun zawk leh chance ṭha insiam zawk nih chhung ngeia goal khung a pawimawh hle a ni.

Fernandes-a'n leh Cunha-a'n tlarhmaah chelhnatalh lantirin, Chelsea tlarhnung tichhe thei zawngin ball an khawih zingtia tarlan a ni a. Mahse final third-a an goal shooting leh finishing ah hian an vannei tawk lo tlat thung. Chelsea tlarhnung leh goalkeeper te pawhin United lamin an nawr nasat lai hian inveng vawng vawngin, match hi a hmuhnawm chho hle.

Carrick-a naute tan Chelsea mualah he match hi dinhmun thil hlan (turning point) a tling thei a, hnehna an chang a nih chuan team boruak leh confidence a chawisang hle dawn a ni. Mahse, chance ṭha tak tak an bawhpelh zui zel a nih erawh chuan mualneitu lamin an penalty area chhung leh counter-attack hmanga hremna an pe theih reng avangin fawng chelh ngei tura ṭan an lak tlat a ngai dawn a ni.