Fulham laka an inkhelh ṭumin Manchester United ṭantuten Kobbie Mainoo an lakchhuah vanga an lungawi lohna an lantir chu Michael Carrick chuan a hriatthiampui thu a sawi.
Craven Cottage-ah Mainoo hi United player che ṭha ber a ni hial a, mahse siphurh sut tura an beih ngawrh laiin Carrick chuan he academy chhuak midfielder hi la chhuakin Mason Mount a luhtir ta zawk a ni.
United hian inkhel tawp lamah nawr na chho hle mah se, Matheus Cunha-a pet per goal chuan Lisandro Martinez-a'n anmahni goal-a a pet luh chu a rawn sut a, season ṭan tirh phurrit tak hmachhawn mek Carrick-a tan thawveng hawkna hun a siam a ni.
Khualmual (away end)-a awm United ṭantuten Mainoo lakchhuah a nih avanga an thinrimna an au chhuahpui lai khan, kar thum chhung awh tur international break chhung chu Carrick hian pressure lian tak a hmachhawn dawn niin a lang a. Mahse he kum 21 mi midfielder hian lakchhuah a nih chhan a hrethiam vek tih Carrick chuan a nemnghet thung.
Carrick chuan, "Player inthlak danglamna i siam reng reng hian mipui lam aṭangin ngaihdan hrang hrang a awm ngei ngei ṭhin a ni. Kobbie khan a khel ṭha hle tih chu a chiang a, mahse inkhelh a tawp dawn hnaih tawh em avangin danglamna thlen theih nan thil eng emaw tih kan duh a, Kobbie pawh hian chu chu a hrethiam takzet a ni. A ṭha vek e, match zawhah pawh kan inbe tawh a, a lungawi thlap. Ani hi chuan team tana ṭha ber tur chiah a duh ṭhin," tiin a sawi.
Sawi zawmin, "Hetiang hi chu inkhelh laia thil thleng ve bawk tur a ni reng a. Siphurh sut tura kan beih buai lai hian mipui leh ṭantute an rilru a no chho a, kan tiṭha turin min duh em em bawk a, an awm dan hi ka hrethiam hle a ni. Chuvang chuan thil pawi emaw, ka huat zawng angin engmah ka ngai lo," a ti bawk.
Carrick chuan tlipin, "Inkhela kir leh tur chuan thil dik kan tih chhunzawm zel a ngai a ni. Vawiina kan ṭantute kha an ropui takzet a, inkhelh chhung zawngin kan naute kha an thlawpin an fuih char char a. A tawpah thil tlemte kan pe let ve thei hlauh kha a lawmawm a, hmasawnna dang pawh kan la rawn phochhuak chho zel ang tih ka chiang a ni," tiin a sawi zui bawk a ni.
