October ni 10-a Premier League inkhel chhunzawm leha Tottenham Hotspur hmachhawn tur Manchester United chu an player pawimawh ṭhenkhat tel lovin an inlan a ngai maithei niin a lang.

International break zawha league match an khelh chhoh leh hunah hian United tan game pawimawh tak a ni dawn a, Spurs lakah hian point thum hmuh ngei an tum ang. Chutih rualin, squad chhungah hliam vanga harsatna neitu an awm nual avangin head coach Michael Carrick leh a thawhpuite tan inngaihtuahna tur a awm hle a ni.

Team neitu INEOS lamin player-te fitness vawn ṭhat nan leh hliam pumpelh nana training ruahmanna bik (special training plan) an duan mekah hian, Carrick leh coaching staff-te chuan boruak ṭha zawk siam tumin hma an la mek a. Hliam vanga player pawimawh an chhawr theih dawn loh pawhin, squad neihsa hmanga theih tawp chhuah turin an inpeih reng a, coaching staff-te pawhin beiseina sang tak an la nei tlat a ni.