Belgium national team chuan 3-0 a Turkey an hnehna match-ah Manchester United midfielder Youri Tielemans leh goalkeeper Senne Lammens te an che ṭha hle a, Belgium match pawimawha hnehna an chan pui.

He international match-ah hian United goalkeeper Senne Lammens chuan Belgium tlarhnung veng ṭhain goal khatmah a chhuah lo (clean sheet) a, Belgium captain Tielemans chuan mual lailiah inkhel thununin assist vawi khat a nei bawk a ni.

Aston Villa aṭanga Manchester United zawmtu Tielemans hi first half chhung zawngin mual lailiah a chungnung berah a pang a, pass vawi khat chiah a tisual a, first 45 mins-ah hian pass accuracy 98% lai a nei a ni. First half chhunga a chet ṭhat em avangin match chhungin chance pahnih ngawt a siamsak a, chumi zingah chuan chance lian tak (big chance) pakhat a tel bakah key pass ṭha tak tak vawi hnih a nei bawk.

Belgium tana vawi tam tak inlan tawh, captain armband hreng bawk Tielemans hian a career-ah tawn hriat a lo nei hnem tawh hle a. Anderlecht-ah bul ṭanin season li chhungin match 184 a khelh aṭangin goal 35 lai a lo khung tawh a ni. Hemi hnu hian Premier League-ah lutin Leicester City leh Aston Villa-ah te hun a hmang zui a, Old Trafford-ah a insawn ta a ni.

United player lak thar hi 2025-26 Premier League season chhungin United tan match 25-ah assist vawi 4 a nei tawh a. Match khatah tlangpuiin pass vawi 53.93 a nei ṭhin a, pass accuracy pawh 84.87% neiin key pass 1.55 lai a nei zel bawk.

Lammens leh Tielemans te chet ṭhatna hian Belgium leh Manchester United support-te phurna thar a pe hle a, a bikin Tielemans-a ball vawrh leh tlarhnung thler zawnga pass pek thiamna hian United-in eng vanga lak luh tum ber zinga mi a lo nih tir tih a sahfiah chiang hle a ni.