Manchester United chuan head coach Michael Carrick thlaktu tur zawngin France boss hlui Didier Deschamps an dawr tawh nia tarlan a ni. Club hruaitu Jason Wilcox leh Omar Berrada te chuan Carrick-a hna aṭanga an chawlhtir a ngai a nih pawha thlaktu tur an ngaihtuah mek a ni.
Kar laihawla Champions League-ah Old Trafford-ah Roma lakah 2-0 a an hnufual hnuah 3-2 in an rawn let a, hei hian Carrick-a laka mipuite thinrimna a ti-zangkhai deuh a. Mahse, Roma an hneh hmaa game 9 ngawt chak lohna an lo neih tawh avangin, kar tawp game hnuah board lamin thutlukna khauh zawk an siam lo vang tih a sawi theih loh.
Como leh Bournemouth laka an tlawm zawn hnua Carrick-a hi ban lek lek tawh a ni a. Hemi hnu hian Chelsea lakah an tlawm leh a, Roma lakah erawh hnehna nuam tak an chantir a ni. Kum 45 mi Carrick hian Italian club laka an kir lehna hi an dinhmun siamṭhat nana hman chhunzawm a beisei hle.
United-a thutlukna siamtu INEOS te chuan November international break chhung hian midfielder hlui hmingthang hi a mawhphurhna aṭanga ban an ngai a nih pawha ruahmanna dang (contingency plan) an buatsaih sa vek a ni.
Foot Mercato report tarlan danin, kum 2012-a Marseille a chhuahsan hnua club level-a la inlan leh lo Deschamps hi United chuan an be pawh a. Mahse, he French coach kum 58 mi hian Old Trafford-a luh hi a chak vak lo nia sawi a ni.
Deschamps hian France national team enkawlin kum 14 chhung hun a hmang a, 2018 World Cup nomawi a chawipui bakah Euro 2016-ah pahnihna an ni a, 2021-ah Nations League nomawi a lakpui bawk. Mahse, World Cup liam taa semi-final-ah Spain an hneh loh hnu leh pathumna inchuhnaah England 6-4 a an tlawm hnu khan France a enkawlna contract hi pawtsei a ni ta lo a ni.
Juventus nena sawizawm lo ni tawh Deschamps hi a free mek a, mahse Carrick-a aiawh tur erawh chuan phurna a nei vak lo. Foot Mercato chuan United hian manager dang, Julian Nagelsmann leh Unai Emery te pawh biakna an neih tawh thu an tarlang a; mahse Emery erawh chuan Aston Villa-ah contract thar sei tak ziah mai a hnaih tawh hle thung.
Deschamps hian dawrna awmte chu a hnar nghal bur lo na a, a hmabak tur chungchangah a hmanhmawh lo hle. Jose Mourinho-a'n Bernabeu a pan hmaa Real Madrid hotuten an lo rilruk tawh he Frenchman hian football-a a kir leh hmain nakkum nipui thleng nghah mai pawh a inhuam nia sawi a ni.
Chutih laiin Carrick erawh chuan Pathianni hian mahni mualah Emery-a enkawl Villa an hmachhawn hunah United an che ṭha chho zel tih tilang a, hnehna chan a beisei hle. United hian tun season Premier League match 9 an khelh tawhah vawikhat chiah an la chak a, 17-na dinhmunah awmin 20-naa awm Sunderland aiin point hnih chiahin an sang a ni.
Roma an hneh hnu khan Carrick chuan, "Thil thleng avang hian ka phili buai lutuk lo a ni. Night pawimawh tak zawng a ni a, mahse kan inbengdaih a ngai a, kar tawpa game lian tak atana kan inbuatsaih a ngai a ni," tiin a sawi.
