Manchester United winger Alejandro Garnacho-a'n Aston Villa-a season khat chhung loan-a a hman mekah bul a ṭan ṭha lo hle a. He Villa Park club-ah hian minute 31 chiah a la khelh avangin Spanish top flight (LaLiga) club-te chuan a dinhmun hi ngun takin an lo thlithlai mek niin Sky Sports chuan a tarlang.

Daily Mail report tarlan hmanga Sky Sports live transfer blog-in a ziah danin, Spanish club-te hian Garnacho-a'n Aston Villa manager Unai Emery-a ruahmannaa hmun zawn a harsat mek dan hi an entlithlai reng a ni. Kum 20 mi Argentina international Garnacho hi kumin nipui khan season chawhnu lama a ngheta lei chhunzawm ngei ngei ngaihna (conditional obligation to buy) pawh telin Aston Villa-ah loan-in a insawn a, he inremna hi hlawhtling tura ngaih a ni sa hial a ni.

Hetiang a nih hnu pawhin, Emery-a hnuaiah hian inelna tak takah match khat mah bul a la ṭan tling lo a, match engemaw zatah substitute-a rawn lutin minute 31 chauh khelmualah hun a la hmang thung a ni.

Amaherawhchu, Sky Sports-in a tarlan dan chuan he transfer-a inrawlh club pahnih leh player lam hian tun dinhmunah inremna siam sa hi thlak danglam emaw tihtawp mai an la tum lo thung. LaLiga club bawk hming sawi lang lo mah se, Spain top-flight-a club ṭhenkhat hian Villa Park-a a hmabak hi an lo thlithlai reng a ni. He ngaihvenna hi loan inremna la nung mek tihdanglamna atan nilovin, a dinhmun zawnna atan chauh a la ni rih a ni.

Manchester United player ram danga loan-a chhuak ten Spanish football lam ngaihven an hlawh hi thil thleng thar a ni lova, kumin maiah pawh goalkeeper Altay Bayindir-a'n Celta Vigo a pan ṭum pawh khan LaLiga club dangte ngaihven a lo hlawh tawh bawk a ni. Tun dinhmunah hian Garnacho-a chungchangah hian dawrna tak tak (formal bid) leh United-a koh kir a nih theihna chungchangah inbiakna thar a la awm lova, club dangte hian hla taka a dinhmun an thlir rih mai a ni. Nakin zela dawrna thar a thleng chho dawn leh dawn lo erawh chu kar leh aṭanga Villa-ah bul a ṭan chho thei dawn em tih ah a innghat thui hle ang.

Manchester United ṭantute tan chuan attacking player-te loan-a chhuaka an theihna fiah tura beihna hi thil thleng fo a ni a, Marcus Rashford-a'n Barcelona nen sawizawm a lo nih tawhna te pawh kha entirna pakhat a ni. Tun dinhmun atan chuan Garnacho-a'n khelmual luh zauh vawikhat a hmuh theihna kawng chu Spain lamah nilovin, Villa Park-ah a la awm rih a ni.