Cristiano Ronaldo-a'n Portugal national team a chhuahsan tak thut avangin, Manchester United captain Bruno Fernandes-a lakah pressure leh rilru hahna a thlen phah zual hle. United ṭantute phei chuan ram tana a khelh chhunga an assist king hi hliam na zawk tawk lova Carrington-a a rawn kir leh ngei an beisei takzet a ni.

Fernandes hi hliam hnihkhat a neih avangin hmannia Portugal-in Norway an hmachhawn ṭum khan a inlan thei lo a. Mahse, Manchester United-a kir vating lovin, Portugal squad-ah a la cham zui a, full training pawh a zawm leh tawh a ni. Ronaldo-a chhuah an ngaih tak avang hian Portugal manager Jorge Jesus-a tan dinhmun a harsa ta hle a, mipuite leh chanchinbumite mit fukna ber a nih tak avangin match thara team chak ber chhawr a ngai ta thut a ni.

Hei hian Jorge Jesus-a tan a player ṭha ber ber chhawr turin chona a siamsak a, chumi zingah chuan Bruno Fernandes pawh a tel a ni. Portuguese chanchinbu CM Jornal tarlan danin, inkhelh leh turah hian Fernandes hi Portugal captain atan hial pawh ruat a nih theih thu an tarlang hial a ni.

Portugal hi kum 2019 khan UEFA Nations League la thei hmasa ber an ni a, hemi hnu aṭang hian inelna hrang hrangah langsar takin an inlan zui zel a ni. Tun dinhmunah pawh match hnih an khelh hnuah an group-ah pakhatna dinhmun an luah mek a, Ronaldo-a tel lo pawhin he an record ṭha tak hi chhunzawm zel an tum a ni.

Ronaldo-a chhuahna avanga Portugal manager leh team-te laka hnehna chan ngei ngai pressure a san tak avangin, Bruno Fernandes hi bench-a dah mai chi a ni dawn ta lo nia hriat a ni. Hei hian Manchester United fan-te rilru a tibuai hle a, ram tana khelhtir aia Portugal lamin Carrington-a an tirh kir leh hram zawk chu an duh ber a ni.