Manchester United captain Bruno Fernandes chuan tun season thar bul a ṭan danah harsatna eng emaw zat a tawk chho mek a, hei hian Old Trafford-a a hmabak tur chungchangah zawhna lian tak a siam chho mek a ni. Hetih lai hian, Portugal manager Jorge Jesus chuan Portuguese thiampuipa Bruno Fernandes-a'n khelmual chhunga harsatna a tawh chhan dik tak hi a rawn sawifiah a ni.

Season liam ta khan Fernandes hi Manchester United tan player langsar leh thawhhlawk ber a ni a, Red Devils-in Premier League-a pathumna dinhmun an hauh theih nan khelmual chhungah a theihna zawng zawng thehchhuakin hmun pawimawh ber a lo luah tawh a nih kha.

Mahse, season thar inṭan chhoh hnuah erawh he Portuguese midfielder hian a theihna tak tak a la phawrh chhuak thei meuh lo a, a zawnin match harsa tak tak a hmachhawn chho mek a ni. He United skipper chet chhiat chhan dik tak chungchangah hian Jorge Jesus chuan thuchhuah siamin, player tha tak ni mah se season thara Fernandes-a chetsual chhan bulpui chu a tarlang a ni.