Atletico Madrid laka 2-0 a an tlawm hnuah Manchester United defender Lisandro Martinez-a'n club hotute (hierarchy) a sawisel hle a, he a thusawi phuajawm tak hian Old Trafford leh football khawvelah boruak lian tak a chhuahchhuah ta a ni.

UEFA Champions League-a Atletico Madrid an hmachhawnnaa an tlawm hnu hian, Argentina defender Martinez hi chanchinbumite hmaah a ṭawngchhuak a. Manager Michael Carrick-a chung zawnga club thutlukna siamtu hotu liante (top brass) chetdan leh club-in buaina a neih mekte chu tlang takin a kawka, club hotute inrelbawl dan chu a sawisel ta phiar phiar mai a ni.

He a thusawina explosive interview hian United ṭantute rilru a khawih hle a, fans tam tak pawhin he defender-a huaisenna leh thudik a sawichhuah ngamna hi an thlawp hle a ni. Manager leh club hotute kawk zawnga player-in thuchhuah hetiang taka langsar leh khauhva an siam hi United chanchinah a thleng ngai meuh lo a ni.

Boruak a punlun tak zel avangin Martinez hian mimal thuchhuah (personal statement) siam zuiin, chanchinbu hmaa hetianga a ṭawngchhuah chhan leh a thil tumte chu mipui hriatah sawifiah a tum leh a, boruak tihdaia club chhungril thlamuantir a tum hle bawk.

Match zawha zawhna hmachhawntu United manager Michael Carrick-a erawh chuan Lisandro Martinez-a thusawi chungchangah hian thui sawi zui a lo hnawl thung a. Carrick-a chuan club hotute leh Martinez-a inkar boruak chungchanga zawhna hrang hrang a dawngte chu pehhelin, thudang engmah chipchiar taka sawi zui a duh rih lo a ni.

He thil thleng mek chungchangah hian Germany leh Tottenham Hotspur striker hlui Jurgen Klinsmann chuan United manager Michael Carrick-a hnenah thurawn vawrh chhuakin, Martinez-a boruak siam mek chungchanga Carrick-a chet lak dan tur leh he thubuai hi a buaipui dan tur chungchangah thuchah chiang tak a thawn ta a ni.

Atletico Madrid laka an tlawmna hian United chhungril buaina phawrh chhuakin, Martinez-a hmabak leh Old Trafford-a a hmahun chungchangah zawhna hrang hrang a chhuahchhuah tir mek a ni.