Zarhtehnia Manchester City laka an tlawmna chuan United ṭantute thla a la ti-hrehawm hle na a, zanin hian Carabao Cup-ah Brighton & Hove Albion an mikhual dawn avangin insiamṭhatna hun ṭha tak an nei leh nghal a ni. Fabian Hurzeler-a enkawl Brighton hi an inrintawkna a sang hle a, Pathianniah Coventry 5-0 ngawta an sawp hnuah Old Trafford an rawn pan dawn a ni. Head coach Michael Carrick chuan Seagulls (Brighton) hi zah hle mah se, Pathiannia Premier League match pawimawh zawk a awm avangin a team siksawina (rotation) kalpui a tum a ni.
Goalkeeper dinhmunah season liam taa an lakluh Senne Lammens chu United tana inlan rim ber leh rinrawl ber ni char char mah se, tunah chuan hetiang match-a chhawr theih tur No.2 rintlak tak an kawl tawh a. Karl Darlow hi hliam avangin pre-season-ah a inlan thei lo va, mahse season liam ta khan Leeds United tan a lo che ṭha hle a, zanin hian Red Devils tan a debut match a khel ngei beisei a ni.
Tlarhnung sir lam (full-back)-ah City lakah Diogo Dalot leh Patrick Dorgu te an che ṭha tawk lo a. Right-back-ah Dalot-a hmun luah tur hian Noussair Mazraoui chhawr leh a nih hmel a, veilam sirah erawh Dorgu-a'n a hmun a hum chhunzawm rin a ni zawk. Match neih hmaa chanchinbumite a kawmnaah Carrick chuan Luke Shaw a rawn kir leh theih thu tarlang mah se, chawchilh taka Pathianni inkhel a awm dawn avangin ram a tuar tir ngam a rinawm lova, Shaw hi luhtir nghal mai chu thil pawi thei (risky) a ni ang.
Tlarhnung laili (centre-back)-ah Carrick-a duh ber (first-choice) chu Harry Maguire leh Lisandro Martinez te inkawp hi ni ṭhin mah se, match-a fit ṭha taka an awm reng theih nan Leny Yoro leh Ayden Heaven te zanin hian bul ṭantir a nih a rinawm hle.
Midfield-ah Kobbie Mainoo chu hnawl ngawt chi a nih loh bakah Premier League club hmachhawn tur an nih avangin an captain Bruno Fernandes pawh chawlhtir an nih a rinawm loh. Mahse pre-season-a che ṭha tak Andrey Santos chu rawn inlan lehin hun ṭha a hmuh beisei a ni. Youri Tielemans leh Mainoo te inkawp ṭha tak avangin Santos hian bul ṭanna hmun a chang tam hleithei lova, hei hi first team-a bul ṭan a phu zia lantirna hun ṭha a ni ang.
Attacking midfield-ah Fernandes nen Shea Lacey pawh bul ṭantir a nih a beiseiawm bawk. Bryan Mbeumo hian tun hnai match-ah minute a khel tam tawh hle a, season liam ta FA Cup-a Brighton laka red card a hmuh hnuah Lacey hian a theihna phochhuah a chak zual hle bawk ang.
Tlarhma veilamah Marcus Rashford leh Matheus Cunha te inkarah thutlukna siam a ngai dawn a. Cunha sawn phei a, veilam sira khelhtir hian Pathianni Premier League match hma a Rashford-a tan chawlh hahdamna hun a siamsak thei dawn a ni. Chu chu striker Benjamin Sesko tan pawh bul ṭana khelmuala hun hmang tam lehzual tura kawng hawnna a ni bawk ang.
Man Utd predicted XI vs Brighton (4-2-3-1):
Darlow; Mazraoui, Yoro, Heaven, Dorgu; Santos, Mainoo; Lacey, Fernandes, Cunha; Sesko.
