Inrinni liam taa Tottenham Hotspur nena 1-1 a an inhnehtawk ṭum khan, Manchester United midfielder Kobbie Mainoo chuan inkhelh chhunga statistical record pawimawh tak pakhatah a team-mate-te zawng zawng a khum fai vek niin tarlan a ni.

Manchester United tan chuan kar tawp inkhel kha an season kal meka hun duhawm lo tak a ni chhunzawm zel a, an dinhmun ṭha lo sa chu a aia chhiat lam panin a kal mek a ni. Tottenham Hotspur lamin player hnawhchhuah tawk vangin mi 10 chauhvin hun rei zawk khel mah se, Red Devils hian hnehna an chang zo lova, 1-1 a inhnehtawkin point pawimawh tak an hloh zui ta a ni.

International break chawlh lailawk a zawh hnu hian Manchester United chu rawn inthingharha, boruak ṭha zawk nena chak zawk nih tumin hma lam an pan ngei beisei a ni a. Mahse, beisei ang hetiang boruak thar hi khelmualah an la pholang thei meuh lo a ni. Team pumpui khelh dan chu a la buai hle a, season bul aṭanga an la chet chhuah theih loh ang bawkin, gear hmasa ber pawh la pel thei rih lo ang maia nungchang zawi leh phurrit an la hmachhawn chhunzawm mek a ni.

Chutiang boruak karah chuan Kobbie Mainoo erawh a theihna phochhuakin a rawn langsar hle thung a. Team pumpuiin beisei an phak loh em em lai leh, tumpuite player 10 laka hnehna an chan zawh loh chung pawhin, he United midfielder hian khelmual lailiah theih tawp chhuahin hna a thawk a ni. Match chhunga stat pawimawh tak pakhatah phei chuan Manchester United player dang zawng zawng aia chungnung berah a ṭang a, Old Trafford club tan midfielder rintlak a nih zia a rawn pholang nawn leh ta a ni.