Manchester United defender Lisandro Martinez chu European club lian Barcelona chuan January transfer window inhawn hunah lakluh an ngaihven hle nia report a ni a. Manchester United lam pawh hian thil awmdan thlirin, kum thar January thla hian an defender laka sum hloh tlem thei ang bera hralh chhuah (cut their losses) an inpeih tawh niin a lang.

Martinez-a contract dinhmun fel lo leh tun hnaia club chhunga buaina hrang hrang awm mekte avangin he Argentina defender hmabak hi Old Trafford-ah a chiang lo hle a. Europe khawmualpuia club ropui Barcelona lam hian hetiang boruak hi hrethiamin Martinez hi lakluh tumin an lo thlithlai reng a ni.

Tun season chhungin Manchester United hi an dinhmun a ṭha lo hle a, inelna hrang hrang match 12 an khelh tawh zingah vawi hnih (2) chiah hnehna an la chang a ni. Tualchhung inelna Carabao Cup aṭangin an tla fel tawh bawk a, Premier League table-ah pawh 16-na dinhmun chauhah awmin a mawngphah lamah an tal mek a ni.

Team chet chhiat em avang hian manager Michael Carrick chuan mawhphurhna lian tak a phur a, a khelh dan ruahmanna (tactics) siam sual avangin dem a hlawh ber zinga mi a ni bawk. Kar liam taa Bournemouth laka an mualpho em em hnu phei kha chuan, Carrick hi a hna aṭanga ban (sacked) a ni lo chauh nia tarlan a ni hial a ni.

Chutiang boruak chhe tak leh beidawnthlak tak mai club chhungah a thlen mek lai chuan, Manchester United thuneitute chuan Martinez-a contract dinhmun leh club chhunga a awm dan chu thlirin, January thla transfer window inhawng turah hian club dang nena indawr a, he defender chhuahtir mai hi an inpeih ta nia hriat a ni.